LAOAG CITY – Dumanon iti 32.55 nga ektaria ti kapagayan ditoy siudad ti Laoag ti nadadael wenno nalayus gapu kadagiti nagsasaruno a bagyo.
Segun ken ni Engr. Shiela Opelac, mangidadaulo ti City Agriculture Office, dagitoy ket dagiti adda iti flood prone areas wenno iti low lying areas.
Inbatadna a manarimaan ti agtultuloy a monitoring dagitoy gapu ta adda pay dagiti nainayon a report maipanggep iti pannakadadael dagiti pagay dagiti mannalon ditoy siudad.
Kunana a saan unay nga agayos ti danum kadagiti kataltalonan rason a natinep ken nalmes dagiti pagay a kararaep laeng.
Innayonna nga agarup 80% a barangay ket adda iti low lying areas pakairaman iti Barangay Madiladig, Apaya, Dibua North, Dibua South, Buttong ken dadduma pay.
Nupay kasta, inpakaammona a no 7 nga aldaw a saan pay a nages-es ti danum kadagiti nasao a kapagayan ket ideklarardan a totally damaged wenno naminpinsan a nadadael.
Innayonna nga adda metten ti panagipaayda iti food packs kadagiti naapektaran ngem saan nga agpatingga ditoy ti tulong nga ipaayda gapu ta no kasapulanda ti bin-i ket mapanda laeng agkiddaw iti opisinada ken dagiti dadduma pay a masapulda.
