LAOAG CITY – Nagtulag da US President Donald Trump ken Russian President Vladimir Putin nga agkita kadagiti sumarsaruno nga aldaw.
Daytoy ket kalpasan nga inrakurak ni Trump nga adda ti tiyansa nga agkikitada kada Russian President Putin ken Ukrainian President Volodymir Zelensky iti kabiitan a panawen tapno pagsasaritaan da ti maipanggep ti pannakaisardengen ti gubat iti Ukraine.
Maipalagip a naikeddeng ita nga aldaw ti biernes a deadline iti naipaay a gundaway para iti Russia tapno umannugot iti ceasefire iti nagbaetan da ti Ukraine.
Nagballaag ti Estados Unidos a no agtultuloy ti panagkedked ti Russia para iti pannakaipatungpal ti ceasefire ket mabalin nga ad-ado a sanctions ti sangwen ti nadakamat a pagilian.
