LAOAG CITY – Saan a mangirugi ti aniaman a conflict ti Taiwan ngem saanna met nga isuko ti soberenya da.
Daytoy ti inpaganetget ni Taiwanese President Lai Ching-te kalpasan ti summit iti nagbaetan da US President Donald Trump ken Chinese President Xi Jinping no sadinno a napagsaritaan dagiti dua ti isyu ti panagwaywayas ti Taiwan.
Basar iti Chinese state media, inpetteng ni Xi ken ni Trump a ti Taiwan nga ibilang ti Beijing kas self-governed island ket isu ti kapatgan nga isyu iti bilateral ties ken ti saan nga umiso a pannakaiwanwan daytoy ket mangitunda ti conflict.
Naamoan a kalpasan ti ibibisita ni Trump iti Beijing ket nangisyu ti US Presidente ti ballaag iti Taiwan no sadinno a kunana a saan nga agbirbiruk iti agbalin nga independent.
Ti Estados Unidos ket nabayagen a kaalyado ti Taiwan ken naipalaon iti linteg a kasapulan nga ikkan ti isla kadagiti wagas tapno madependaran na ti bukodna a bagi.
Kabayatan met ti interview ken ni Trump, inpasingked na a t pagannurutan ti Estados Unidos para iti Taiwan ket saan nga agbalbaliw, kagiddan ti panangilawlawag na a saanda a kalikagoman ti conflict iti Beijing.
