LAOAG CITY – Mamati ni Dr. Rodrigo Catcatan, mangidadaulo ti City Health Office ditoy siudad ti Laoag nga epektibo dagiti programa nga isaysayangkat ti opisinada kontra iti Human Immunodeficiency Virus wenno HIV.
Segun kenkuana, awan ti kaso ti Human Immunodeficiency Virus ditoy siudad ti Laoag a mangipaneknek nga epektibo dagiti ipatpatungpalda a programa tapno maliklikan a makaptan dagiti umili iti nasao a sakit.
Inbatadna a liklikan ti agturong iti Discolandia tapno saan a makaala ti Human Immunodeficiency Virus ngem no bilang dagitoy ket makinaig ket rumbeng laeng a siguradoenda nga ammoda a panunuten ti safe sex wenno ti panagusar ti condom ken dadduma pay a mangprotihir iti bagi tapno saan makaala ti nasao a virus.
Kunana a saan nga agpangadua nga agpakonsultar iti ospital tapno nasapa a maduktalan no bilang nakaptan dagitoy ti makapatay a sakit.
Innayonna nga agtultuloy ti information dissemination campaign ken babaen ti tulong dagiti grupoda a mangisaysayangkat ti Human Immunodeficiency Virus testing ken screening tapno malapdan ti Human Immunodeficiency Virus.
