LAOAG CITY – Inrakurak ni Australian Prime Minister Anthony Albanese a pormal a bigbigen ti Australia ti estado ti Palestine iti sesyon ti United Nations (UN) General Assembly intono Setyembre ita a tawen.
Segun ken ni Albanese, ti desisyon ket naiparuk-at kalpasan a nagkari ti Palestinian Authority iti Australia para iti demilitarisasyon, pannakaiyuswat ti eleksyon, ken agtultuloy a panangbigbig iti Israel iti rehiyon.
Inrakurak daytoy ni Albanese kalpasan ti panagsasarita dagiti lider manipod iti United Kingdom, France, New Zealand, ken Japan.
Nupay kasta, naiget a kontraen ti Israel ti nasao nga addang ket inpetteng na a daytoy ket gunguna kadagiti terorista kangrunaan na ket agtultuloy paylaeng ti opensiba na kontra iti Hamas iti Gaza no sadinno a nasuroken nga 61 a ribo a tattao ti pimmusay sipud idi 2023.
Kabayatanna, inrakurak ti Palestinian Authority a ti panangbigbig dagiti sumagmamano a pagilian iti Palestinian Sate ket pammaneknek a luawlawa ti suporta para iti karbengan dagiti Palestino tapno agdesisyon.
Iti agdama, 147 dagiti pagilian manipod iti 193 a miyembro ti United Nations ti mangbigbigbig iti estado ti Palestine, nga addaan ti “permanent observer state” status iti organisasyon.
