LAOAG CITY – Pimmanawen dagiti naruay a Palestino iti sumagmamano a paset ti Gaza City kalpasan a rinugyanen ti Israel ti umuna a bansada ti opensiba da.
Ginasut a Palestino manipod iti Al-Zeitoun ken Al-Sabra neighborhood ti Gaza City ti nagbakwit a nagturong iti amianan a laud ti ciudad kalpasan ti nakaro a panagbomba iti lugar a nakadadaelan dagit balay ken nakatayan ti dinosdosena a tattao karaman dagiti pamilya nga adda iti tent ken ti sumagmamano nga inosente nga ubbing.
Basar iti pannakangiwat ti Israeli Defense Forces, nangipatungpal to operasyon dagiti tropa da iti Seitoun ken Jabalia areas para iti occupation plan kalpasan nga inaprubaran ni Defense Minister Israel Katz idi Martes.
Umabot met iti 60,000 a reservists ti napaawagan ken mangrugi ti duty da intono Setyembre ita a tawen kadwa a dagiti active-duty personnel para iti operasyon.
Inrakurak met ni Israeli Prime Minister Benjamin Netanyahu nga inpababa na ti timeline tapno maparmek ti inawagan na a maudin a kuta ti terorista nga Hamas iti Gaza.
Iti maysa nga statement, inakusaran ti Hamas ni Netanyahu iti panangitultuloyna ti brutal a giyera kontra kadagiti inosente a sibilyan iti Gaza City ken kinondenar na ti panangbalewala na iti nailungalong a ceasefire manipod iti regional mediators.
