LAOAG CITY – Inrakurak ni Israeli Prime Minister Benjamin Netanyahu a rugiandan ti ceasfire negotiation idiay Gaza.
Inbatadna a kalikagumna a malpasen ti gubat ken mawaya-wayaan dagiti hostage ti Hamas.
Nupay kasta, kalpasan ti nasao a rakurak ti Israeli Prime Minister ket ad-adda pay a pinaigetanda ti panangraut idiay Gaza.
Inpettengna a ti nasao a panangatake ket adda ti pammalubos manipud iti White House.
Immunan nga inpakaammo ni Netanyahu nga ad-adda pay a paigetanda ti opensibada idiay Gaza.
Kinondenar met ti naruay a pagilian ti inaramid ti Israel nga adu kadagiti Palestino ti napukawan ti pagtaengan no bilang agtultuloy ti panangatake ti Israel idiay Gaza.
