LAOAG CITY – Naragsak nga inpakaammo ni Jail Warden Edietor Guiang iti Ilocos Norte Provincial Jail a “sick free” ti nasao a pagbaludan.
Segun kenni Guiang, nanipud nangrugi ti panagtutudo ket awan ti nairekord da a nagsakit a balud kangrunan na ti dengue a maysa kadagiti kangrunaan nga agraira no kastoy ti paniempo.
Inbatad na a sipud nagtugaw kas jail warden iti Ilocos Norte Provincial Jail ket inaldaw ti panagdalus da iti aglawlaw tapno masigurado nga awan ti pagumokan dagiti lamok a carrier ti dengue.
Innayon na a malaksid a mapagtalinaed ti kinadalos iti aglawlaw iti nasao a pagbaludan ket isupay ti gundaway dagiti balud nga aglilinnangen.
