LAOAG CITY – Kinarit ni Vice President Sara Duterte ti Commission on Audit (COA) a kasoan dagiti public officials ken contractors a karaman kadagiti ghost projects ken substandard a proyekto kas ti flood control projects.
Iti ambush interview idiay The Hague, The Netherlands, inbatad ni Vice President Sara nga adda iti risgo ti biag ti publiko gapu kadagiti palpak a proyekto.
Inbatad ti Bise Presidente a trabaho ti Commission on Audit a mangimbestigar ken pagsungbaten dagiti karaman iti panagkunniber kadagiti government projects.
Kabayatanna, daytoy a komento ni Vice President Sara ket kagiddan ti panangidarum ni Manila Mayor Isko Moreno kontra ken ni Manila Cong. Joel Chua gapu iti kontrobersial a flood control projects iti siudad.
