LAOAG CITY – Sinuportaran ni Vice Gov. Matthew Marcos Manotoc iti pannakailungalong iti pannakaaramid ti official facebook page ti Sangguniang Panlalawigan.
Daytoy ket mausar para iti facebook live ti regular session dagiti opisial nga aktibidad ti hunta probinsial.
Inlawlawag ni Manotoc a saan a sigurado no dagiti dadduma ket komportable a mai-live dagiti forum ken hearing nangruna no sensitibo dagiti topiko ken dagiti confidential nga impormasion.
Inbatadna a ti regular session ket masapul a silulukat iti publiko ngem saan a sigurado no mabalin nga open door.
Immuna iti daytoy, naipaima ti resolusion nga inisponsoran ni Bokal Rj Fariñas ken Bokal Aladine Santos iti Committee on Laws a matratar inton sumaruno a session a napauloan ti “A reso adopting the internal rules of procedure of the 13th Sangguniang Panlalawigan of Ilocos Norte,” to direct the Sangguniang Panlalawigan Secretariat to create and maintain an official fb page for posting sessions and any and all official activities of Sangguniang Panlalawigan.
Iti agdama, ti maus-usar a pakaipubpublikaran ti maisaysayangkat a regular session ket ti fb page ni Vice Gov. Manotoc.
