LAOAG CITY – Immado ti bilang dagiti balud iti Ilocos Norte Provincial Jail nga iti agdama ket umaboten iti 137.
Daytoy ti inbatad ni Jail warden Edietor Guiang iti Ilocos Norte Provincial Jail.
Segun ken ni Guiang, manipod iti nasao a bilang ket 15 ti babbai a balud, ken agarop 50 a porsiento kadagitoy ket sumangsango ti kaso mainaig iti illegal a droga.
Inpakaammo ni Guiang a ti kataengan a balud iti Ilocos Norte Provincial Jail ket agtawen ti 74.
Innayon na nga adda pay ti lima a balud a manamnama a maibiyahe iti New Bilibid Prison iti Muntinlupa City a dagitoy ket sumangsango ti kaso nga homicide, acts of lasciviousness, frustrated homicide ken adda pay ti mainaig iti illegal a droga.
