LAOAG CITY – Maestablisar ti Yarn Production and innovation Center iti ili ti Vintar.
Daytoy ket babaen ti pannakibinnulig ti Provincial Government, lokal a gobierno ken ti Department of Science and Technology.
Ti nasao a proyekto ket mangipakita ti suporta ti gobierno kadagiti micro small medium enterprise nangruna dagiti agab-abel.
Gagem ti nasao nga addang ket tapno ad-adda pay a mapadur-as ti nasao a sektor ken makaipaay ti ad-ado a trabaho ken mapapints ti produksyon ti abel.
Mainaig iti daytoy, pinalubusan ni Governor Cecilia Araneta-Marcos ti Sang Panlalawigan babaen ti maysa a resulosyon a makipinnirma ti katulagan iti Department of Science and Technology – Philippine Textile Research Institute nga ibagian ni Director IV Julius Leano iti rehiyon uno ken ti lokal a gobierno iti Vintar babaen met ken ni Mayor Richard Degala.
