LAOAG CITY – Al-aliston a magundawayan dagiti estudyante ti Tulong Dunong Program ken Technical Education Scholarship program babaen ti pannakaiyalisto ti proseso na.
Segun kenni Ilocos Norte 1st District Representative Sandro Marcos, dati ket nabayag ti proseso ti Commission on Higher Education, ngem gapu ti panangikalikagom ni CHED Chairman Dr. Shirley Agrupis ket naiyaramidan da ti wagas tapnu alisto a maited ti tulong pinansyal para kadagiti napili a benepisyaryo dagiti nasao a programa.
Kunana nga iti agdama ket 20 nga aldaw laeng ti urayen dagiti estudyante tapno maawat da ti kwarta da idinto nga iti kallabes ket umabot paylaeng ti 3 a semestre isut gapuna nga adda pay dagiti agipatpatulod ti mensahe kenkuana ken iti mismo a Page na.
