LAOAG CITY – Inpasigurado ni Engr. Jonathan Corpuz iti National Food Authority – Ilocos Norte Branch a napintas dagiti bagas nga ilaklakoda.
Kunana a daytoy ti rason nu apay a naigetda iti panaggatang ti bagas.
Segun kenni Corpuz, sigsiguradoen da a dagiti gatangenda ket napintas ti pannakabilagna tapno uray maidulin ket saan a bumaba ti kalidadna.
Inbatad na a daytoy ti rason nu apay nga adda dagiti mangibaga a ti National Food Authority ket istrikto iti panaggatang ti bagas ngem daytoy ket gapo ta saanda a kayat a binukbok wenno saan a napintas dagiti lakoda.
Malaksid iti panangkita a nasayaat kadagiti gatangenda, adda pay ti araramiden da a pest control kas ti panag spray ken panag-fumigate.
Maipalagip nga inpakaammo ni Corpuz a saanen nga aggatang ti National Food Authority kadagiti irik a naapit iti bulan ti Marso ken ken dagiti laengen kaap-apit.
