LAOAG CITY – Dead on the spot ti driver ti motorsiklo kalpasan a nagdinnungpar da iti maysa a Fortuner iti paset ti Barangay Susugaen iti ili ti Pasuquin.
Basar iti report, agpapa-amianan ti nakamotorsiklo idinto nga agpapa-abagatan met ti Fortuner idi napasamak ti nakaam-ames nga insidente.
Gapu iti kapigsa ti panagdinnungpar ti dua a lugan ket nagbaliktad ti Fortuner ken napandagan na ti nakamotorsiklo a nagresulta ti pannakatay a dagus ti driver na.
Agpapan maisursurat daytoy a damag ket awan pay ti inparuk-at ti Philippine National Police a naan-anay a detalye seknan iti napasamak, karaman ti pakabigbigan ti driver ti motorsiklo ken Fortuner.
