LAOAG CITY – Kinarit ni Senador Jinggoy Estrada nga agpada a dumalanda ken ni dati a Bulacan 1st district assistant engineer Brice Hernandez iti lie detector test kalpasan nga inraman isuna a karaman iti maipagarup a korapsion iti flood control projects.
Daytoy a karit ni Estrada ket kalpasan nga inbutaktak ni Hernandez iti panagdengngeg iti Kamara a nangiruar ti Senador ti P355 million ita a 2025 kadagiti sumagmamano a proyekto iti probinsia ti Bulacan.
Naglikudan ni Estrada nga immawat daytoy ti kickback manipud kadagiti flood control projects.
Inpettengna nga alisto laeng ti agsarita ken nakasagana a paneknekan nga agpapada nga inuulbod laeng dagiti maibatbato nga akusasion kontra kenkuana.
Iti panagdengngeg ti Blue Ribbon Committee, sinaludsod ni Estrada ti kontratista a ni Curlee Discaya no ti kinaadu kadagiti kongresista a nairaman iti isyu kadagiti ghost projects ket adda kadi ti nadakamat a senador no sadinno a simmungbat met ni Discaya ken kunana nga awan ti karaman a senador.
Kabayatanna, naala ti imatang ti kaaduan ti nagbalin a sungbat ni Senador Rodante Marcoleta ken ni Estrada a “safe ka na.”
