LAOAG CITY – Nagballigi dagiti otoridad a nangtiliw iti dua a maibilang kas most wanted person iti nagsina a lugar ditoy probinsya.
Immuna a natiliw ti most wanted person iti ciudad ti Batac, a daytoy ket agtawen ti 41, babai ken residente iti ili ti Currimao.
Ti pannakaarestar ti akusado ket babaen ti bileg ti warrant of arrest gapu iti kaso na a 2 counts ti syndicated estafa.
Awan ti nairekomendar a pagpiyansa ti akusado para iti temporaryo a pannakawaya-waya na.
Maikadwa a natiliw ket ti agtawen ti 46 a lalaki, naasawaan ken residente iti ili ti Burgos.
Natiliw daytoy babaen ti bileg ti warrant of arrest gapu iti kaso na a panaglabsing ti Republic Act 10591 wenno Comprehensive Firearms and Ammunition Regulation Act.
Nairekomendar ti 120 ribo a pisos a pagpiyansa ti akusado para iti pannakawaya-waya na.
Iti agdama, agpada a nagtalinaed iti Philippine National Police dagiti naarestar nga akusado.
