LAOAG CITY – Dumanonen iti 64,756 ti natay gapu iti panangatake ti Israel idiay Gaza.
Basar iti Health Ministry ng Gaza, ti nasao a bilang ket sipod idi nangiwayat ti Israel ti panangraut kontra iti Hamas idi Oktubre 7, 2023.
Malaksid iti daytoy, adda ti 164, 059 a dadduma pay ti nasugatan ken matamtaming iti ospital.
Maipalagip a naruay a pagilian ti nangkondenar ti nasao nga agtultuloy a panangatake ti Israel gapu iti kinaadu dagiti inosente a sibilian ti nairamraman.
Agtultuloy ti maisaysayangkat a panagtataripnong dagiti nagduduma a pagilian tapno ilungalong ti maipapan iti kinakappia iti nagbaetan ti Israel ken Hamas.
