LAOAG CITY – Binigbig ti lokal a gobierno ditoy ciudad ti Laoag babaen kenni Mayor James Bryan Alcid dagiti adda iti likodan ti balligi a pannakaimplementar ti Human Papilloma Virus Immunization Program, nga addaan ti tema a “Ligtas sa Cervical Cancer: Para sa Bawat Babae at Mag-ina” (PBBM-IN) babaen ti gobierno national nga indauloan ti Office of the Presidential Assistant for Northern Luzon ken ti First District Congressional Office.
Daytoy ket kalpasan a nakabakuna ti vaccination team ti 96% dagiti babbai nga agtawen ti 9-14 ditoy ciudad ti Laoag.
Gapu iti daytoy, maibilang ti Laoag City a kaunaan a ciudad iti intero a Pilipinas a nakagun-od ti nalablabes pay ngem ti 90% coverage mark.
Nagun-od daytoy babaen ti panagbibinnulig dagiti nagduduma a grupo ken opisina kas iti Office of the Presidential Assistant for Northern Luzon; First District Congressional Office; Department of Education-Laoag City; Mariano Marcos Memorial Hospital and Medical Center iti ciudad ti Batac; Ilocos Center for Health Development; Provincial Department of Health Office; Provincial Department of Health Office-Ilocos Norte National Health Workforce Support System Team Leaders; Provincial Health Office; ZONTA Club; PHIL. NURSES ASSOCIATION – ILOCOS Chapter; Phillipine Ostettical Cornascoloex Society ken dadduma pay.
Maipalagip nga immunan nga inbatad ni Dr. Rodrigo Catcatan, ti mangidadaulo ti City Health Office ditoy ciudad a ti maysa nga arapaap da ket ti mabakunaan dagiti amin a babbai nga agatwen iti 9-14 ditoy ciudad ti Laoag.
