LAOAG CITY – Kinumpirmaran ni President Donald Trump a dinadael ti US military ti maipagarop a Venezuelan drug vessel nga adda iti kabaybayan ken agturong iti Amerika.
Segun kenni Trump, tallo a lallaki ti natay iti nasao a panagatake iti inawagan na a violent drug trafficking cartels.
Nupay kasta ket awan ti inpakita na a pammaneknek a ti barko ket nagkarga iti ili a droga.
Mainaig iti daytoy, inpetteng ti Venezuelan President Nicolás Maduro a dependaran da ti pagilyan da iti aramiden ti Amerika kageddan t panangawag na kenni Secretary of State Marco Rubio a “lord of death and war”.
Kuna met ni Trump a babaen iti pammilin na ket inyuswat ti US military forces ti maikadua a kinetic strike kontra ti violent drug trafficking cartels ken narcoterrorists.
Rimsua ti tensyon iti nagbaetan dagiti dua a pagilyan kalpasan ti panangideploy ti Amerika ti warships na iti southern Caribbean nga inawagan dagiti opisyal a counter-narcotics operations a nakatayan ti 11 a tattao.
