LAOAG CITY – Addan ni Presidente Donald Trump idiay United Kingdom para iti maikadua nga state visit ken manamnama met pannakitaripnong na kadagiti opisyales kasta met kenni King Charkes III mainaig iti trade talks ken international politics.
Kalpasan ti panagdisso iti London Stansted Airport ti US presidential plane Air Force One kadua na ti asawa na a ni Melania ket naglugan da iti Marine One helicopter a napan iti central London.
Nagtalinaed da iti Winfield House, ti ayan met laeng ti US ambassador to the UK sipud 1955.
Agturong pay daytoy iti Chequers, ti country residence ti prime minister no sadinno bisitaen na ni Keir Starmer.
Manamnama a kataripnong na ni King Charles III iti Windsor Castle kas panangrugi met iti two-day UK state visit.
Ni Trump ti kaunaan a presidente ti Amerika a naipaayan ti maikadua nga state visit na iti United Kingdom.
