LAOAG CITY – Agamak ni Pope Leo XIV iti agdama a sitwasyon ti Gaza City nga itay laeng kallabes ket inrakurak ti Israel ti panagsakop nan iti ciudad.
Rakurak daytoy ti Santo Papa kalpasan ti ibibisita na iti Villa Barberini idiay Castel Gandolfo kageddan ti panangkablaaw na kadagiti sumagmamano a tattao ken nakisarsarita pay kadagiti kameng iti media.
Segun kenni Pope Leo, nakikoordenar isuna iti lokal a komunidad kenni Fr. Gabriel Romanelli, ti padi ti Holy Family Catholic parish iti Gaza tapno maaddaan ti solusyon tapno ibakwit dagiti tattao iti ciudad.
Inbatad pay ti Santo Papa a sumagmamano kadagiti Palestenian ket kaykayat da ti agtalinaed kadagiti lote da uray adda ti pangta iti seguridad.
Kinamusta pay ni Pope Leo ti agarop 450 a Palestino nga agdaa a makipagnanaed iti compound ti simbaan iti baet ti opensiba ti Israel.
Mainaig met iti rakurak ti Kremlin iti posible a gubat iti nagbaetan ti NATO ken Russia, kuna ti Santo Papa saan a ti NATO ti nangrugi iti gubat no diket maamak da laeng gapo ta lablabsingen ti Russia iti airspace da.
Kabayatanna, kinablaawan dagiti tattao isuna iti panagkasangy na ken ti “happy name day,” kas panangselebrar iti pyesta ni Saint Robert Bellarmine iti kada Setyembre 17.
