LAOAG CITY – Inpakammo ni Public Works and Highways Secretary Vince Dizon nga inawat na ti courtesy resignation ni Undersecretary Maria Catalina Cabral—maysa kadagiti mairamraman iti anomalya a flood control projects manipud iti ahensya.
Kinumpirmaran daytoy ni Dizon iti pannakaiyuswat ti Senate blue ribbon committee hearing a ni Cabral ket nagikkat, dua nga aldawen ti napalabas.
Segun kenni Dizon, inpakaammo kenkuana ni Cabral a nangipatulod ti surat iti komite a mangibagbaga nga inawat nan ti courtesy resignation ken kiniddaw na ti saan a panagatendar iti panagdengeg.
Nupay kasta, kuna ni Dizon nga iti laksid a maysan a pribado a tao ni Cabral ken saanen a paset iti ahensya ket sigurado nga awagan ti komite daytoy nga agatendar kas private citizen.
Inbatad met ni Senator Rodante Marcoleta, dati a chairman of the committee a ti panagresign ni Cabral ket maysa laeng a palusot tapno saan nga agatendar iti Senate hearing.
Kalpasan daytoy ket adda ti motion ni Marcoleta a maisyuan ti subpoena ni Cabral ken nag-seconded met ni Senator Erwin Tulfo agingga nga inaprubaran ni Sen. Ping Lacson.
Iti laksid ti resignation ni Cabral, inpasigurado ni Dizon nga itultuloy na ti iyus-uswat na nga internal investigation mainaig iti kwestyunable a flood control projects.
Maipalagip nga iti napalabas nga hearing iti House committee on public works and highways, kinumpirmaan ni Cabral nga adda ti P51 billion infrastructure projects para iti 1st district ti Davao City iti maudi a tallo a tawen iti termino ni dati a Presidente Rodrigo Duterte.
Ummuna metten nga inbatad ni Lacson nga adda ti staff ni Senate President Vicente “Tito” Sotto III ti maipagarop a nakaawat ti tawag manipud kenni Cabral, a nangibaga iti insertion iti 2026 National Expenditure Program (NEP).
