LAOAG CITY – Naibilin iti isasango iti imbestigasyon ti Independent Commission on Infrastructure (ICI) ni dati a Department of Public Works and Highways Assistant District Engineer Brice Hernandez.
Iti panagdengeg iti Senate Blue Ribbon Committee, inbatad ni Senate President Tito Sotto III a naawat nan ti niya subpoena duces tecum ken subpoena testificandum para ken ni Hernandez.
Inbatad ni Sotto nga ipaayan na ti otoridad ti Senate Sergeant-at-Arms tapno itulnog ni Hernandez iti Independent Commission on Infrastructure ken siguradwen a makaatendar daytoy iti imbestigasyon.
Binalakadan met ni Sotto ni Hernandez nga ibagana pudno ken sibubukel a napasamak gau ta agduma ti sakop ti imbestigasyon ti Independent Commission on Infrastructure ken ti Senado, a maar-aramid in aid of legislation.
Kabayatanna, kiniddaw ni Hernandez a maikkat ti naipataw kenkuana a contempt tapno makakalap kadagiti ebidensya nga adda ti pakainaigan dagiti dadduma pay a nangangato ng opisyal mainaig iti maipagarop a korapsyon iti flood control projects.
Inpetteng ni Senador Panfilo Lacson nga ibilin laengen daytoyen iti sabali gapu ta saan nga agbalin a patas iti sumagmamano nga indibidual a napatawan met laeng ti contempt.
Simmabat met Sotto a nagkunaan na nga ikonsiderar ti komite ti kiddaw ni Hernandez kalpasan a simmango iti imbestigasyon ti nabukel nga Independent Commission for Infrastructure.
