LAOAG CITY – Immapela ni Acting General Manager Perry Martinez iti Ilocos Norte Electric Cooperative (INEC) iti publiko nga aganos pay laeng agingga a maisubli ti serbisyo ti kuryente.
Segun kenni Martinez, naituloy manen ti panagtrabaho dagiti linemen para iti pannakaisubli ti kuryente iti probinsya itay alas-sais ti bigat ken adda ti mandar nga agingga intono alas-sais ti rabii ket maisublin daytoy iti dakkel a paset ti Ilocos Norte.
Inlawlawag na a no saan pay a maisubli iti 100 a porsiento ti serbisyo ti kuryente ket manamnama nga itultuloy da ti panagtrabaho uray limmabesen iti 12-hour window.
Mainaig iti daytoy, kunana nga iprayprayoridad da nga iyuna ket dagiti lugar nga addaan ti ospital, kadagiti evacuation center ken dagiti pangopisinaan nga adda ti pakainaigan na iti panagresponde, sakbay nga isaruno da ti residential areas.
Inpakammo na pay nga iti Laoag San Nicolas Area ket bimagsak ti 69KV ken manariman ti pannakatarimaan na tapno al-alisto pay ti pannakaisubli ti kuryente.
Inbatad na pay a maiyuna ti pannaka-ikkat dagiti sanga ti kaykayo a naitupak kadagiti linya ti kuryente.
Kabayatanna, inpasigurado met ni Martinez a makaanay ti tao da para iti pannakaisubli ti kuryente iti intero a probinsya ngem no kasapulan da ti tulong ken agkiddaw da iti Pangasinan Electric Cooperative.
