LAOAG CITY – Maad-adal no ania ti maisayangkat nga aktibidad iti ummuna a sangagasut nga aldaw ni Gob. Cecilia Araneta Marcos kas gobernador ti Ilocos Norte.
Inlawlawagna a daytoy ket gapu iti kaado dagiti napasaran ti probinsia a bagyo itay kallabes.
Imbatadna a no ar-arigen ket kaaddoan nga inar-aramidna ket ti pannakaisayangkat ti “relief operation” para kadagiti nakana a naapektaran iti kalamidad.
Nupay kasta, kunana a manarimaan ti panangkitkitada a naimbag gapu ta kas iti pagaammo ti kaaddoan ket ti ummuna a nangisentroan na ti imatangna ket ti pannakaurnos ti Provincial Government family.
Innayonna a karaman ditoy ti pannakaipaay ti pannakaital-o ti posisyon ti naruay nga empleado kas paset iti kalikagumna a mapagbalin a naragsak dagiti empleado ti gobierno probinsyal.
