LAOAG CITY – Naitaray iti ospital ni Pastor Apollo Quiboloy iti Kingdom of Jesus Christ (KOJC) gapo ta marigatan nga aganges.
Segun kenni ni Bureau of Jail Management and Penology (BJMP) spokesperson Jail Supt. Jayrex Bustinera, naitaray iti ospital ni Quiboloy idi Setyembre 11 ken nadiagnose ti Community Acquired Pneumonia (Moderate Risk).
Ni Quiboloy ket nakabalod iti Pasig City Jail gapo iti sangsangwen na a kaso.
Inbatad ni Bustinera, ti Regional Trial Court 159 idiay Pasig City ti mangig-iggem ti kaso ni Quiboloy ken dagus met a naimpormaran iti kondisyon ti balod da.
Ummuna iti daytoy, idi laeng Setyembre 15 ket nangiyu ti korte ti Pasig ti pammilin a mangipalpalubos iti hospitalization ni Quiboloy.
Naamoan nga ita ket adda met iti nasayaat a kondisyon ni Quiboloy ken manarimaan pay laeng ti panagpaimbag na.
Maipalagip nga idi Enero 23, naireport a naitaray manen ni Quiboloy iti ospital gapo iti pneumonia ken naisubli iti Pasig City Jail idi Pebrero 12.
Sumangsango ni Quiboloy ti non-bailable qualified human trafficking charge iti babaen ti Section 4(a) iti Anti-Trafficking in Persons Act of 2003.
Ti Davao City-based religious leader ket sumangsango pay iti kaso iti Section 5(b) ken Section 10(a) iti Special Protection of Children Against Abuse, Exploitation, and Discrimination Act.
