LAOAG CITY – Bimmaban ti kaso iti Leptospirosis ditoy probinsia no ikumpara iti napalpalbas bulan.
Daytoy ti inpakaamo ni Dr. Rickson Balalio, mangidadaulo ti Provincial Health Office.
Segun kenni Balalio, daytoy ti pakakitaan nga epektibo iti panagipatungpalda ti Information Awareness Campaign kadagiti umili.
Mainaig iti daytoy, kunana nga adda ti umdas nga agas a Prophylaxis kadagiti nagduduma nga ospital a daytoy ket maited a libre.
Kanayatanna, nagpalagip manen ni Balalio iti publiko a no makarikna kadagiti sintomas ti sakit a leptospirosis kas ti panaggurigor, panag-yellow ti mata ken dadduma pay ket agpakonsultar a dagus iti doktor tapno saan a kumaro ti sitwasyon a mabalin a pakatayan ti pasyente
Maipalagip a saan laeng a kadagiti malaylayos a lugar iti pakaalan iti kastoy a klase a sakit no diket mabalin pay dagiti nagurnongan iti danom a kontiminado iti isbo iti bao.
