LAOAG CITY – Immanamong ti Hamas a waya-wayaan dagiti amin a nabatbati nga Israeli hostages da nga agpapan ita ket iggem da iti Gaza.
Nupay kasta, kalikagom ti grupo a mabaliwan ti ceasefire plan nga inpresentar ni US Pres. Donald Trump kangrunaan na kadagiti datin a kinontra da nga adda iti plano.
Ti rakurak ti Hamas ket sumagmamano nga oras kalpasan nga inikkan ni Trump ti grupo ti deadline tapno awaten ti ceasefire plan para iti Gaza wenno agsagaba da.
Ummuna iti daytoy, inpresentar ni US President Donald Trump ti 20-point framework a manglippas iti gubat nga inakseptar met ti Israel – maysa ditoyen ti pannakadis-armar ti Hamas ken maikkatan ti papel iti panangimaton iti Gaza.
Kabayatanna, kuna ni Trumpa nakasagana met ti Hamas para iti naan-anay a kinakapya iti Gazabasar iti inparuk-at ti grupo nga statement.
Kageddan iti daytoy, ginutigot ni Trump ti Israel nga isardeng na met ti panangpabettak iti lokasyon ti Hamas tapno natalged a makaruar dagiti hostages.
Innayon ti Presidente a ti ar-aramiden na ket saan laeng a para iti Gaza no diket para iti kapya iti Middle East.
