LAOAG CITY – Mabalin nga agpaot pay ti shutdown iti gobierno ti Amerika kalpasan a saan manen a naipasa dagiti senador ti spending proposals iti maikapaten a daras.
Gapo iti daytoy, agpaot pay agingga iti sumaruno a lawas ti panagshut down iti federal government.
Naamoan a dua a nagsina nga spending proposals – maysa manipud iti Democrats ken maysa met manipud iti Republicans ngem napaay dagitoy a naabot ti kasapulan a 60-vote threshold.
Inbatad ti White House a gapo ta napaay dagiti seandor a mangipasa iti daytoy ket kasapulan ti gobierno ti mangipatungpal ti mass lay-offs tapno agtultuloy latta ti operasyon ti essential government services no agtultuloy ti shutdown.
Indiskribir met ni Press Secretary Karoline Leavitt ti mapaspasamak kas “fiscal sanity”.
Saan met pay a nalawag no aniya ti sakop ti potential lay-offs ngem manarimaanen ti pannakitaripnong ti White House iti Office of Management and Budget wenno OMB.
