LAOAG CITY – Pimmusay kalpasan a nalmes ti maysa nga indibidual iti karayan iti Brgy. Madupayas Badoc, Ilocos Norte.
Ti biktima ket agtawen ti 40, naasawaan, maysa a construction worker ken residente iti Brgy. Uguis Nueva Era, Ilocos Norte.
Basar iti impormasyon, naala ti bagi ti biktima babaen kadagiti Barangay Officials ken dadduma a civilian rescuer sumagmamano a metro ti kaadayo na iti Brgy. Hall ti Brgy. Madupayas iti ili ti Badoc.
Naitaray ti biktima iti Corpuz Clinic and Hospital iti ili ti Sinait ngem naideklara a dead on arrival babaen iti attending physician.
Iti met inbestigasyon dagiti otoridad, sakbay ti insidente ket nagturong ti biktima ken ti anak na a Grade 2 iti karayan tapno agkalap.
Nupay kasta, iti panagbatok ti biktima ket rumrumuar a naitupar ti ulo na iti dakkel a bato a nangitunda iti insidente.
Ginandat ti anak ti biktima nga isalakan ti ama na ngem napaay daytoy isut gapo na a nagkiddaw ti tulong manipud kadagiti residente.
