LAOAG CITY – Adda ti pakabuklan a PhP158. 3 million a gatad ti tulong pinansial ti inpaay ni Presidente Ferdinand Marcos Jr. kadagiti lokal a gobierno manipud idiay Davao a nakaro a naapektaran ti 7.4 magnitude a gingined.
Inbatad ni Palace Press Officer Usec. Claire Castro a PhP50 million ditoy para iti Davao Oriental; PhP10 million iti Mati City, sag-PhP15 million iti Manay, Banaybayan ken Lupon idinto a sag-PhP10 million iti Tarragona ken Baganga.
Kuna ni Usec Castro, daytoy a suporta manipud iti Office of the President ket tapno maalay-ayan dagiti Davaoeno iti panagbangon manen manipud iti epekto ti gingined.
Innayonna a ti kalikagum nga idanon ti Presidente iti personal a panagturongna idiay Davao, agtultuloy ti panangipaay ti tulong ti gobierno agingga nga amin a pamilia a naapektaran ti gingined ket makabangon manen.
