LAOAG CITY – Inrakurak ni House Speaker Faustino “Bojie” Dy III a ti ₱6.793-trilyon a nailian a pundo para inton 2026 ken ti 44 a prioridad a gakat manipud iti LEDAC ti agserserbi a pundasion ti Bagong Pilipinas reform agenda ni Presidente Ferdinand Marcos Jr.
Inbatad ni Dy, nakapokus ti pundo iti panangpapigsa iti edukasion, salun-at ken serbisio iti komunidad.
Nailatang ti kadakkelan a pundo iti edukasion nga addaan ti ₱1.281 trilyon a katukad ti 4.1% ti GDP.
Inpasigurado ni Dy a tunggal proyekto iti pundo ket nakasentro kadagiti lugar ken sektor nga ad-adda nga agkasapulan.
Kabinnulig ti Kamara iti panangitandudo ti reporma iti babaen ti LEDAC.
Karaman kadagiti maipangpangruna a linteg ti Rice Industry and Consumer Empowerment Act, Disaster Risk Financing Framework, Pantawid Pamilyang Pilipino Program Act ken linteg para iti Department of Water Resources, National Land Use ken Waste-to-Energy.
Innayonna a ti gakat a Fair Use of Social Media iti eleksion, modernisasion ti Bureau of Immigration, Presidential Merit Scholarship Program ken Magna Carta for Barangays ket para iti panagdur-as ti tunggal Pilipino.
