LAOAG CITY – Kalikagom ti Department of Trade and Industry – Consumer Protection Division a sursuren amin a merkado publiko ditoy probinsya kas panangselebrar iti Consumer Welfare Month.
Segun kenni Provincial Director Amelia Galvez, addan ti tallo nga ili napanan da tapno iwayat ti aktibidad da a naawagan CPD wenno Check, Protect, Disseminate.
Inlawlawag na a kada merkado ket adda ti maisaysayangkat a panangkita iti weighing scale kdagitoy ken no maduktalan a no adda ti kurang iti kilo na ket dagus a makumpiskar ti Local Price Coordinating Council.
Inbatad na a kitkitaen da no sumursurot dagiti establishimento iti labeling, price tag, no adda ti permit dagitoy manipud iti lokal a gobierno ken dadduma pay.
Kunana nga iti met “protect” ket adda dagiti consumer desk kadagiti merkado publiko a mabalin a pagkamangan dagiti consumers no adda ti reklamo wenno kayat da a saludsuden.
Mangipapaay da pay kadagiti flyers ken daytoy ti agserbi kas Information Dessimination ti ahensya ken maipabuya pay kadagiti consumers dagiti tips tapno maliklikan a magundawayan.
