LAOAG CITY – Inbatad ni President Donald Trump a saanen a mangidiaya ti Estados Unidos iti aniaman a subsidy iti Colombia.
Ti Colombia ket maysa kadagiti kasingedan a kaalyado ti America iti South America.
Inwaragawag ni President Trump ti desisyon na iti Truth Social post no sadinno nga inawagan na pay ni Colombian President Gustavo Petro kas “illegal drug leader” ken kangrunaan a mangiwarwaras ti droga iti intero a Colombia.
Inrakurak daytoy ni Trump kalpasan nga inakusaran ni Petro ti Estados Unidos a nakaaramid ti “murder” idi nangipatungpal ti military strike iti bangka a nagluganan dagiti Colombians iti kabaybayan a sakupen ti Amerika idi Setyembre ita a tawen.
Basar iti government website, nangipaay ti Estados Unidos ti agarop $740m a tulong iti Colombia idi 2023.
