LAOAG CITY – Naituding nga ipablaak ti Commission on Elections (Comelec) ti listaan dagiti kontraktor a nagidonar kadagiti kandidato iti 2022 elections.
Segun kenni COMELEC Chairman George Garcia, maaramid daytoy apaman a makumpirmaran ti Department of Public Works and Highways (DPWH) dagiti kontratada.
Kunana nga iti agdama ket ur-urayenda laeng ti validation manipud iti Department of Public Works and Highways no siasinno kadagiti 54 a kontraktor a naisubmitir ti addaan kontrata iti gobierno.
Inulit na manen a maiparit kadagiti kandidato nga umawat iti kuarta wenno donasyon manipud kadagiti kontraktor ti gobierno.
