LAOAG CITY – Inbilin ti Office of the Ombudsman ti pannakaiyuswat ti naun-uneg nga imbestigasyon iti pannakauram ti pasdek ti Department of Public Works and Highways (DPWH) Bureau of Research and Standards (BRS) idiay Quezon City, nangruna ket manarimaan ti imbestigasyon mainaig iti anomalya iti flood control.
Kinumpirmaran ni Assistant Ombudsman Mico Clavano a binilin ni Ombudsman Jesus Crispin Remulla ti National Bureau of Investigation (NBI) ken ti Bureau of Fire Protection (BFP) tapno agimbestigar iti insidente no adda ti foul play.
Segun kenni Clavano, inmandar ti Ombudsman a determinaren no ti pasamak ket arson wenno aniaman a maduktalan iti daytoy.
Ummunan nga inbatad ni Remulla nga agamak iti napasamak nga uram iti pasilidad a daytoy ti maibilang a repository para kadagiti dokumento nga adda ti pakainaigan na iti government infrastructure projects.
Inbatad na a mangnamnama a ti uram ket aksidente laeng ken saan a nairanta nangruna ket napasamak kabayatan ti panagtrabaho dagiti empleado.
Maipalagip nga inbatad ti Bureau of Fire Protection a ti rason ti pannakuram ti pasdek ket gapo iti short-circuit manipud iti bobeda ti Recors section nga adda iti maikatlo a kadsaaran.
Inpasigurado met ti Department of Public Works and Highways nga awan ti nairamraman a napapateg a dokumento nga adda ti pakainaigan na iti anomalya iti flood control.
