LAOAG CITY – Tinesting ti Russia ti nuclear-powered Burevestnik cruise missile.
Daytoy ti kinumpirmaran ni Chief of General Staff Valery Gerasimov.
Iti televised meeting, inpakaammo ni Gerasimov ken ni President Vladimir Putin nga iti panangtesting da ti multi-hour flight ti nuclear-powered missile ket umabot iti 14,000km (8,700-mile) ti nadanun na.
Inbatad pay ni Gerasimov a saan pay a daytoy ti limit ti kaadayo a madanun ti nuclear-powered Burevestnik cruise missile.
Immuna a naiwaragawag ti low-flying experimental weapon idi 2018 a dakkel ti potensyal na a daytoy ket unlimited range ken kabaelan na a liklikan ti missile defenses.
