LAOAG CITY – Inlawlawag ti Philippine Institute of Volcanology and Seismology (PHIVOLCS) a saan a makaapektar ti panagbettak ti bulkan Taal iti panagbirok kadagiti mapukpukaw a mammallot.
Segun kenni PHIVOLCS Director Dr. Teresito Bacolcol, ti lugar a pagbirbirukan kadagiti maseknan ket adda iti ruar ti permanent danger zone ti bulkan.
Inbatad na a ti kayat na a sawen ket saan nga apektado ti Taal lake nga isu ti pagbatbatukan dagiti otoridad iti laksid nga adda ti tallo a napasamak a panagbettak.
Kunana a ti laeng irekrekomendar da a saan a papanan ket ti Taal Volcano Island ken ti pagbirbirukan kadagiti mammallot ket adan iti ruwar ti permanent danger zone.
Dinakamat pay ni Bacolcol a ti panagalburuto ket saan a makaapektar gapo ta ashfall wenno dapo manipud iti bulkan ket iti Volcano Island ken no adda man iti search area ket bassit laeng.
Maipalagip nga inrakurak ti Department of Justice (DOJ) ti pannakasuspenso ti panagbirok kadagiti missing sabungeros gapo iti aktibidad ti bulkan.
Nupay inbatad na a posible laeng ti poor underwater visibility ngem amin nga operating units remain ket naka-standby ken nakasagana ti lugar para iti panagsubli ti operasyon.
Kabayatanna, inbatad Department of Justice spokerperson Atty. Polo Martinez nga umaboten iti 887 a tulang ti tao manipud Taal Lake ti narekobre manipud July 10 agingga iti Oct. 12.
