LAOAG CITY – Kinondenar ti United Nations ti airstrikes ti US kadagiti bangka nga addaan ti iligal a droga iti Caribbean ken Pacific Sea.
Segun ken ni UN human rights chief Volker Turk, daytoy nga aramid ti US ket mabalin a maibilang a “extrajudicial killing”.
Inbatad na a saan a maakseptar ti ar-aramiden ti Washington ken rumbeng a maisardeng a dagus.
Nagpanawagan met daytoy ti imbestigasion iti nadakamat nga insidente.
Maipalagip a nasurok nga 60 a tattao ti natay iti sumagmamano nga insidente ti airtrikes ti Amerika kadagiti bangka nga addaan ti iligal a droga iti Caribbean ken Pacific Sea.
Kabayatanna, mamati ni US President Donald Trump a ti ar-aramiden da ket tapno mapasardeng ti panagwaras ti illigal a droga iti nasao a lugar.
