LAOAG CITY – Inpasingked ni Mayor James Bryan Alcid nga adda ti dakkel a panagbalbaliw a marikna ditoy siudad ti Laoag inton tawen 2026.
Segun kenkuana, daytoy ket babaen iti pannakaipaay ti nagduduma a programa para iti pagsayaatan dagiti residente ditoy siudad ken iti sibubukel a siudad.
Inbatadna a ti maysa kadagitoy ket iti pannakaipaay ti service vehicle iti tunggal barangay ditoy siudad.
Kunana a saan a multicab ti maipaay no diket napinpintas a klase ti lugan gapu ta iti siudad ti Laoag ti akinbagi.
Inlawlawagna a daytoy a behikulo ket saan laeng a para kadagiti opisial ti barangay no diket para iti amin a residente ditoy siudad ti Laoag.
Innayonna nga iti agdama ket kitkitaenda ti pundona daytoy tapno insigida a magatang ken maipaay dagitoy iti kabiitan a panawen.
