LAOAG CITY – Natay ti maysa a lalaki kalpasan a nadungpar ti Armored Car iti Brgy Pias Sur iti ili ti Currimao.
Segun ken ni Police Capt. Melvin Soriano, ti chief of police iti ili ti Currimao, ti biktima ket agtawen ti 22, addaan ti live-in partner, taga Brgy. Lira, San Juan, Ilocos Sur ngem agdama nga agnanaed iti Brgy Pias Sur iti nasao nga ili.
Inbatad ni Soriano a basar iti imbestigasyon da, kabayatan a makisarsarita ti biktima iti igid ti kalsada kadwa na ti dua a papagayam na ket nag-overtake ti armored car nga agpapaabagatan, nga inturong ti agtawen ti 43 ken residente ti Barangay Aring iti ili ti Badoc.
Nupay kasta, iti panag-overtake ti armored car ket napukawan ti kontrol ti driver a nangitunda ti pannakasapgud na iti nasao a biktima.
Gapu iti nakaro a sugat a sinagaba ti biktima ket indeklarar ni Dr. Addielou Fidelfio E Abad a dead on the spot.
Iti agdama, nagtalinaed ti driver ti armored car iti Philippine National Police iti ili ti Currimao ken maiyur-uray ti panagsasarita da iti pamilya ti biktima.
