LAOAG CITY – Inlawlawag ni Dr. Rodrigo Catcatan, ti mangidadaulo ti City Health Office ditoy ciudad ti Laoag a maysa laeng a dose ti anti rabies vaccine ti libre a maipaay kadagiti umili a makagat ti aso wenno wenno pusa ditoy ciudad.
Segun kenni Catcatan, ti laeng maudi a dose ti libre idinto a iti ummuna ken maikadua a dose iti anti rabies vaccine ket bayadan dagiti umuli a makagat wenno makaramutan iti aso ken pusa.
Kunana a kastoy ti inaramid da a wagas tapno saan a dagus a maibos iti supply ken maiwaras kadagiti dadduma pay nga agkasapolan.
Inbatdana a no tallo a doses ti mailibre ket alisto a maibos isut gapuna a nangaramid da ti wagas tapno maiyanay ti supply ti anti-rabies ditoy ciudad.
Mainaig iti daytoy, kuna ni Catcatan a ti Department of Health ket mangipaay pay ti supply iti anti-rabies vaccine kakuada no dagitoy ket maibusan gapu ta nabayag ti gumatang.
Nupay kasta, inbatad na nga iti agdama ket addaan dagitoy iti 800 vials a supply iti anti-rabies vaccine ken mangnamnama nga umabot agingga nga agngudo ti tawen 2025.
Ummunan nga inbatad ni Dr. Catcatan a gapo iti kaado dagiti makagkagat ken makarkaramutan ti aso ken pusa ket alisto a maibus ti suplay.
