LAOAG CITY – Mangrugin ti Land Transportation Franchising and Regulatory Board – LTFRB a mangipaay kadagiti special permit kadagiti bus para iti Christmas Season intono Nobiembre 10.
Segun iti Land Transportation Franchising and Regulatory Board, agpatingga ti panangawatda kadagiti aplikasion agingga inton Nobiembre 21, 2025.
Mangrugi ti nadakamat nga special permits manipud Disiembre 23 agingga Enero 3, 2026.
Gagem dagiti special permits tapno makabiahe dagiti bus iti probinsia gapu iti manamnama a panagado dagiti pasaheros kabayatan ti Christmas Season.
Sumagmamano kadagiti requirements ket masapul a saan a nasursurok ngem 14 ti tawen dagiti unit manipud iti petsa a pannakaaramidda.
