LAOAG CITY – Nakasaganan dagiti family food packs ken relief goods manipod opisina ni Congressman Sandro Marcos iti idupduprak iti bagyo Uwan ditoy probinsia.
Karaman kadagiti pakaibunungan dagiti relief goods ket dagiti evacuation sites kadagiti nagduduma a lugar ditoy ciudad ti Laoag.
Inbatad na ni Dr. Melvin Manuel, ti mangidadaulo iti City Disaster Risk Reduction and Management Council a nalawa ti sakopen ti bagyo Uwan isut gapuna a masapol a saganaan a naimbag aglalo dagiti kasapulan.
Inpakaammo na a nagpukan da payen kadagiti kayo ken nagpruning dagiti kameng iti City Disaster Risk Reduction and Management Council, General Services Office, ken dadduma pay a maseknan nga ahensiya.
Kabayatanna, nagpalagip manen ni Manuel kadagiti umili a suruten ti direktiba dagiti otoridad gapu ta para met laeng ti pagsayaatan ken seguridad ti tunggal maysa.
