LAOAG CITY – Dua nga indibidual ti kumpirmado a natay iti iduduprak ti Super Typhoon Uwan iti pagilian.
Basar iti datos, narekobre manipod iti sirok dagiti debris ken dagiti natulid a poon ti kayo idiay Catbalogan City, Samar, ti bangkay ti maysa nga agtawen ti 64 a lola.
Inpakammo pay ti Civil Defense Office nga idiay Catanduanes ket maysa met a residente ti nalmes iti flash flood, ayon sa.
Malaksid kadagiti natay ket adda pay ti dua a sabsabali a nasugatan, manipod iti Catanduanes ken iti Calinog.
Basar iti National Disaster Risk Reduction and Management Council, nasurok a 1.1 milyon nga indibidwal manipod iti 344,000 a pamilya ti naibakwit manipod iti Cordillera, Regions I–VIII, ken National Capital Region.
Iti Bicol Region, nasurok a 670,000 a tattao ti nagbakwit gapu iti napigsa a tudo ken angin no sadinno nga arigna amin a probinsya, malaksid laeng iti Sorsogon ti awan supply ti kuryente na.
