LAOAG CITY – Balligi a natiliw ti maysa nga indibidual iti anti-illegal drug buy-bust operation iti ili ti Pasuquin.
Ti suspek ket agtawen ti 38, naasawaan, agar-armid ti asin ken residente iti Barangay Estancia iti ili ti Pasuquin.
Segun kenni Police Major Sheryl Guzman, ti chief of police ti Philippine National Police iti ili ti Pasuquin, ti suspek ket maipagarop a naglako ti maysa a sachet ti maatap a shabu iti police poseur buyer.
Nakumpiskar pay iti suspek ti innem a sachet a naglaon ti maipagarop a shabu ken 1,000 pesos a buy-bust money.
Inbatad ni Guzman a ti subject ti operasyon ket maibilang nga street level individual iti drug watchlist iti Philippine National Police iti ili da.
Iti agdama ket nagtalinaed ti suspek iti Philippine National Police-Pasuquin ken sumango iti kaso a panaglabsing iti republic Act 9165 wenno Comprehensive Dangerous Drugs Act of 2002.
