LAOAG CITY – Inpakaammo ni Mayor James Bryan Alcid nga adda ti ordinasa ditoy ciudad ti Laoag a mangmanmandar kadagiti mapan ag-carolling wenno makipaskua a mangala nga umuna ti permit iti city government sakbay da a mapalubusan.
Kunana nga iti baet nga adda ti ordinansa ket saan a maiyim-implementar.
Inbatad ti mayor a rumbeng laeng a saan a maiyimplementar ti ordinansa gapu ta patien na a mapukaw ti espiritu ti paskua no mangala paylaeng nga umuna ti permit dagiti makipaskua wenno ag-carolling.
Inlawlawag na a saan a napintas daytoy nga aramiden ti city government aglalo ket ti paskua ket para kadagiti ubbing a maikkan ti gundaway nga agkiddaw ti regalo ken dagiti sumagmamano a nataengan.
Nupay kasta, inlawlawag na a sabali met a saritaan no ti panag-carolling ket maibilang a fund raising activity.
Innayon na a ti Business Permit and Licensing Office ti rumbeng a mangmonitor iti daytoy a banag.
