LAOAG CITY – Awan pay ti konkreto nga ebidensya a mangitudo ken ni dati nga House speaker Martin Romualdez a karaman iti flood control anomaly.
Daytoy ti inpetteng ni Presidente Ferdinand Marcos Jr., iti isasango na iti media.
Inbatad ti Presidente nga adda ti 37 nga agpanpanday linteg nga adda iti listaan a mapilaan ti kaso kriminal ken adinistratibo gapu iti pannakairaman da iti maanomalya a flood control projects.
Iti 37 a nagan dagiti agpanpanday linteg ket saan a karaman ditoy ni dati nga House Speaker Martin Romualdez.
Nupay kasta, inbatad ti presidente a no adda dagiti rumuar iti imbestigasyon nga adda ti pakainaigan ni Romualdez ket agsungbat met ti kasinsin na.
Kuna ti presidente a rimuar ti nagan ni Romualdez iti panagdengngeg ti Senado.
Nupay kasta, inlawlawag ni Presidente Marcos a saan basta agpila ti kaso.
Inpetteng na a ti addang da ket ag-build up kadagiti kaso tapno agsungbat dagiti karaman iti anomalya.
Mainaig iti daytoy, ginutigot ti presidente ti umili nga ipaayan da ti konkreto nga ebidensiya tapno mausar dagitoy iti panagpila da ti kaso.
Inpaganetget ti Presidente nga awan ti exempted iti imbestigasyon.
