LAOAG CITY – Adda iti agdama idiay China ni King Maha Vajiralongkorn iti Thailand.
Daytoy ti kaunaan nga ibibisita ti reigning Thai monarch iti nadakamat a pagilian.
Ti ibibisita ni King Maha ket gapu iti imbitasyon ni Chinese President Xi Jinping tapno selebraran ti maika-50 nga anibersaryo ti dua a pagilian sipud naestablisar ti diplomatic ties idi 1975.
Basar iti report, addan ti sumagmamano a tawen a gutgutiguten ti China ni King Maha a bumisita iti pagilian da.
Mainaig iti daytoy, iti statement ti gobierno ti Thailand, inbatad na a ti ibibisita ni King Maha iti China ket mangipaneknek ti umun-uneg a panagpagayam ken mutual understanding iti nagbaetan ti Thailand ken China iti amin a lebel.
Kabayatanna, manamnama ti ibibisita met ni King Maha ken ti asawa na a ni Queen Suthida iti local landmarks kas ti Lingguang Buddhist ken ti Beijing Aerospace City.
